Երկրորդ համաշխարհային պատերազմին մասնակցել է 700 հազար վրացի։ Նրանց կեսից ավելին հերոսաբար զոհաբերվել է չարին հաղթելու և ֆաշիզմի դեմ հաղթանակի գաղափարի համար,- լրագրողներին ասել է Վրաստանի վարչապետ Իրակլի Ղարիբաշվիլին՝ «Վետերանների մշակույթի և հանգստի պուրակում», որտեղ հարգանքի տուրք է մատուցել Երկրորդ համաշխարհային պատերազմում զոհվածների հիշատակին։

Կառավարության ղեկավարը շնորհավորել է պատերազմի վետերաններին ֆաշիզմի դեմ տարած հաղթանակի օրվա առթիվ:

«Այսօր ուզում եմ շնորհավորել մեր հերոս վետերաններին։ Ուզում եմ շնորհավորել մեր վետերաններին այս մեծ չարիքի՝ ֆաշիզմի պարտության և մեր հաղթանակի օրվա կապակցությամբ։ Ուզում եմ նշել, որ մեր երկրի, մեր վրացիների, մեր ժողովրդի դերն այս Հայրենական մեծ պատերազմի հաղթանակում անկասկած անգնահատելի է։ Դուք նշեցիք, որ այս պատերազմին մասնակցել է 700 հազար վրացի։ Նրանց կեսից ավելին հերոսաբար զոհաբերվեցին այս գաղափարի համար, որը կոչվում էր չարի պարտություն և հաղթանակ ֆաշիզմի դեմ։ Ուստի ես ևս մեկ անգամ խոնարհվում եմ մեր հերոս վրացիների հիշատակի առջև և ցանկանում եմ ևս մեկ անգամ մեր կառավարության անունից շնորհակալություն հայտնել մեր հերոս վետերաններին ամեն ինչի համար»,- ասել է Իրակլի Ղարիբաշվիլին։