Այսօր մենք հանդիպում ունեցանք Ցագերիի նախընտրական շտաբի անդամների հետ, մեր կուսակցության հետ: Մենք ունենք արժանի թեկնածու՝ Գիորգի Նեմսաձե, որը կհաղթի մեծ առավելությամբ, – Ցագերիում լրագրողներին ասաց Վրաստանի վարչապետ Իրակլի Ղարիբաշվիլին:

Կառավարության ղեկավարի խոսքով՝, նրան առաջին փուլում պակասել է ընդամենը 45 ձայն, ինչը դասական օրինակ է ու ապացույց, թե որքան «մաքուր ու թափանցիկ» է «Վրացական երազանքը» անցկացնում ընտրությունները։

«Հիշենք, թե ինչպես էր «Ազգային շարժումը» ընտրություններ անցկացնում, երբ իշխանություն էր՝ ուղղակիորեն աջակցելով սեփական ընտրողների դեմ ահաբեկչություններին։ Հիշեցնեմ, այսպես կոչված, Խուրչայի ահաբեկչությունը, որն իրենք են բեմադրել, և մեր ընտրողները վիրավորվել են, կանանցից մեկը վիրավորվել է։ Ահա այսպիսի ձեռագրով էին անցկացնում ընտրությունները: Մեր թեկնածուից 45 ձայն պակասելով, պատկերացրեք, թե ինչ թափանցիկ ու ժողովրդավարական ընտրություններ ենք անցկացրել, իսկապես օրինակելի և իսկապես եվրոպական չափանիշներին համապատասխան։ Ուստի մեր թեկնածու Գիորգին համոզիչ հաղթանակ կտանի, և ես հավատում եմ, որ ցագերցիները ճիշտ ընտրություն կանեն։ Մենք լիովին մոբիլիզացված ենք բոլոր քաղաքապետարաններում, որպեսզի ամեն տեղ մեծ առավելությամբ հաղթենք եւ թույլ չտանք, որ որեւէ սադրիչ լարվածություն ու քաոս ստեղծի մեր երկրում»,- ասաց վարչապետը։