Վրաստանի վարչապետ Իրակլի Ղարիբաշվիլին խորհրդարանում իր ելույթի ժամանակ խոսել է ուսանողական հանրակացարանների կառուցման մասին և նշել, որ երկու տարի հետո Բժշկական համալսարանը կունենա 800 ուսանողի համար բնակավայր, իսկ Տեխնիկական համալսարանն աշխատում է երեք շենքի կառուցման վրա՝ մետրոյի Սամգորի կայարանի հարևանությամբ։

«Ինչ վերաբերում է ուսանողական բնակարանաշինությանը, ասեմ, որ երկու տարի հետո բժշկական համալսարանը կունենա 800 ուսանողի համար բնակավայր, նախորդ վարչապետության ժամանակ կառուցեցինք 300 ուսանողի համար հանրակացարան։ Սա բավարար չէ։ Կարծում եմ՝ մոտ 3000 պետք է կառուցենք։ Նոր նախարարն ակտիվորեն աշխատում է այս թեմայով։ Տեխնիկական համալսարանը նաև ակտիվ աշխատանքներ է տանում «Սամգորի» մետրոպոլիտենի հարևանությամբ իրենց պատկանող հողատարածքում երեք շենք կառուցելու ուղղությամբ։ Այնպես որ, աշխատանքները շարունակվում են, աշխատում ենք, ամեն ինչ կլուծվի»,- ասաց կառավարության ղեկավարը։