Բիձինա Իվանիշվիլին հեռացել է քաղաքականությունից, նա հրապարակավ հայտարարել է այդ մասին, հետևաբար, նա այլևս չի ֆինանսավորում «Վրացական երազանքը», – Տղիբուլիում լրագրողներին ասաց Վրաստանի վարչապետ Իրակլի Ղարիբաշվիլին:

Կառավարության ղեկավարի խոսքով, անհնար է բնակչության հետ խոսել չճշտված փաստերի մասին:

«Ձեր՝ որպես լրագրողի, պարտքն է ճշմարտությունը ասել ժողովրդին, և եթե ես ստում եմ, դուք պետք է ժողովրդին բացատրեք, որ վարչապետը ստում է: Ընդհանրացված խոսակցություններ այն մասին, որ «Քարթու բանկը» շարունակում է փոխանցումներ կատարել, պետք չեն այս ներկայացումներն ու սկանդալները: Դուք սկանդալ չունեք և չեք կարող սկանդալ ստեղծել: Պարոն Բիձինա Իվանիշվիլին ամիսներ առաջ որոշեց հեռանալ քաղաքականությունից, ինչը ինքնաբերաբար ենթադրում է, և նա նույնիսկ ասաց, որ դադարեցնելու է «Վրացական երազանքի» ֆինանսավորումը: Մեր նվիրատվությունները բացարձակ թափանցիկ են: Կարող եք ցուցակ վերցնել, լավ ուսումնասիրել և պարապել», – ասաց վարչապետը: