Իրակլի Ղարիբաշվիլի. Այս տարի առաջին եռամսյակում աշխատող մարդկանց թիվը զգալիորեն աճել է, 70 հազարով, և կազմել 1 միլիոն 271 հազար մարդ
Այս տարի առաջին եռամսյակում աշխատողների թիվը զգալիորեն ավելացել է, 70 հազարով և կազմել 1 միլիոն 271 հազար,- ասել է Վրաստանի վարչապետ Իրակլի Ղարիբաշվիլին՝ խորհրդարանին տարեկան հաշվետվությունը ներկայացնելիս։
Վարչապետի խոսքով՝ գործազրկության նվազումն առաջին հերթին պայմանավորված է մասնավոր հատվածում աշխատատեղերի ավելացմամբ։
«Գործազրկության նվազումն առաջին հերթին պայմանավորված է մասնավոր հատվածում աշխատատեղերի աճով, մեր ստեղծած միջավայրով։ Նաև ուզում եմ նշել, որ բիզնես ոլորտում աշխատատեղերի թիվը զգալիորեն աճել է։ Եթե համեմատենք անցյալ տարվա հետ, ապա այս ցուցանիշը բավականին տպավորիչ է։ Բացարձակ աղքատության մակարդակը նույնպես իջել է մինչև պատմական նվազագույնը` 15,6%, ինչը զգալի բարելավում է նախորդ տարվա համեմատ: 2012 թվականին աղքատության մակարդակը կազմել է 30.0%, 30% էր նախորդ իշխանությունների օրոք աղքատության մակարդակը։ Այս տարի աղքատությունը հասել է պատմական նվազագույնի՝ 15,6 տոկոսի։ Սա նշանակում է, որ վերջին տասը տարում աղքատության մակարդակը գրեթե կիսով չափ կրճատվել է, ավելի քան կես միլիոն մարդ ազատվել է աղքատությունից, ավելի ճիշտ՝ 535 հազար մարդ»,- ասել է Իրակլի Ղարիբաշվիլին։