Իրակլի Ղարիբաշվիլի. Ամբողջ աշխարհում դժվար ժամանակներ են, Ռուսաստանի ագրեսիան Ուկրաինայում, պատերազմը, որը չի դադարում, կառավարությանը հատուկ իմաստություն է պետք առանց այն էլ դժվար կանխատեսելի աշխարհաքաղաքական միջավայրում
Վրաստանի վարչապետ Իրակլի Ղարիբաշվիլին Վրաստանի պաշտպանության ուժերի 32-րդ տարեդարձի կապակցությամբ Վազիանիում տեղի ունեցած հանդիսավոր միջոցառման ժամանակ իր ելույթում խոսել է նաև Ուկրաինայում Ռուսաստանի ագրեսիայի մասին։
Վարչապետի խոսքով՝ այսօր շատ դժվար ժամանակաշրջան է ողջ աշխարհում: Իրակլի Ղարիբաշվիլին նշել է, որ դժվար կանխատեսելի աշխարհաքաղաքական միջավայրում կառավարությանը հատուկ իմաստություն է պետք։
«Այսօր շատ դժվար ժամանակ է ամբողջ աշխարհում։ Ռուսական ագրեսիան Ուկրաինայում, պատերազմ, որը չի դադարում: Առանց այն էլ դժվար կանխատեսելի, բուռն աշխարհաքաղաքական միջավայրում մենք՝ կառավարությունը, մեր իշխանությունները հատուկ իմաստության պարտական ենք։ Միաժամանակ մենք շատ լավ հասկանում ենք, որ պետք է էլ ավելի ամրապնդենք մեր պետության ինստիտուտները և առաջին հերթին վրացական բանակը՝ որպես մեր երկրի անվտանգության և խաղաղության համար կարևորագույն ուժ։ Մենք շարունակում ենք զարգացնել մեր պաշտպանունակությունը երկարաժամկետ պլանի համաձայն, շարունակում ենք պաշտպանական ուժերի վերափոխման գործընթացը, և կարծում եմ, որ մեր բանակն էլ ավելի կհզորանա։ Այսօր ուզում եմ ևս մեկ անգամ շնորհակալություն հայտնել մեր միջազգային գործընկերներին՝ ԱՄՆ-ին, ՆԱՏՕ-ի անդամ երկրներին, բոլոր նրանց, ովքեր օգնեցին և օգնում են հզորացնել մեր վրացական բանակը։ Եվս մեկ անգամ շնորհավորում եմ Պաշտպանության ուժերի օրվա առթիվ, մաղթում եմ ձեզ հաղթանակ, թող Աստված ձեզ պահապան լինի»,- ասել է Իրակլի Ղարիբաշվիլին։
