Վրաստանի վարչապետ Իրակլի Ղարիբաշվիլին ամփոփեց իր այցը Ադրբեջանի Հանրապետություն եւ նշեց, որ արդյունավետ հանդիպում է ունեցել Ադրբեջանի նախագահ Իլհամ Ալիեւի հետ:

Ըստ Ղարիբաշվիլիի, Դավիթ Գարեջիի հարցը քննարկվել է մի շարք հարցերի թվում և պայմանավորվածություն է ձեռք բերվել, որ երկխոսությունը կշարունակվի:

«Նախ ուզում եմ ասել, որ ես շատ բեղմնավոր հանդիպում եմ ունեցել նախագահ Ալիևի հետ: Քննարկեցինք մի շարք հարցեր, այդ թվում՝ երկու երկրների ռազմավարական գործընկերության խնդիրները: Ինչպես գիտեք, մենք շատ բեղմնավոր համագործակցության երկար պատմություն ունենք և մոտիվացված ենք միասին էլ ավելի շատ ծրագրեր իրականացնելու: Մենք նաև քննարկեցինք տարածաշրջանում տիրող իրավիճակը, ներառյալ անվտանգության խնդիրները, բոլոր հարցերը, որոնք առկա են երկու երկրների միջև, ներառյալ՝ Դավիթ Գարեջիի հարցը, և պայմանավորվեցինք, որ երկխոսությունը կշարունակվի, կարագանա, կլուծվի շատ շուտ, ինչպես դա հարմար է մեր եղբայրությանը և մեր բարեկամությունը:

Ես հանդիպում եմ ունեցել նաև խորհրդարանի նախագահի և վարչապետի հետ: Մենք քննարկեցինք տնտեսական հարցերը, թե ինչպես ակտիվացնել աշխատանքը նույն ներդրումների վրա, հատկապես համաճարակից հետո: Ինչպես գիտեք, համաճարակն ուժեղ հարված հասցրեց մեր տնտեսություններին: Դա տեղի է ունեցել ամբողջ աշխարհում: Մենք անդրադարձանք զբոսաշրջության խնդրին: 2019-ին Ադրբեջանից 1.5 միլիոն մարդ է ժամանել, սա ռեկորդային ցուցանիշ էր», – ասաց Իրակլի Ղարիբաշվիլին: