Վրաստանի պաշտպանության նախարարը պաշտոնական այցով գտնվում է Ռումինիայում։ Իրակլի Չիկովանին հյուրընկալվել է իր ռումինացի գործընկեր Անխել Թիլվարի մոտ։

Ռումինիայի պաշտպանության գործակալությունում դիմավորման պաշտոնական արարողությունից հետո գործընկերները դեմ առ դեմ հանդիպում են անցկացրել։

«Գործընկերները քննարկել են Վրաստանի և Ռումինիայի պաշտպանական գերատեսչությունների միջև ընդլայնված կազմով համագործակցության հարցերը։ Հանդիպմանը ուշադրություն է դարձվել Վրաստան-Ռումինիա ռազմավարական գործընկերության համատեղ հռչակագրով սահմանված համագործակցությանը, որը ներառում է տարբեր ուղղություններ։ Զրույցն անդրադարձել է Սևծովյան տարածաշրջանի անվտանգության միջավայրին։ Ուշադրություն է դարձվել պաշտպանության ոլորտում Վրաստանի և Ռումինիայի երկկողմ համագործակցությանը, ինչպես նաև ՆԱՏՕ-Վրաստան էական փաթեթի իրականացմանը Ռումինիայի ներգրավվածությանը։ Իրակլի Չիկովանին ընդգծել է գործընկեր երկրների աջակցության կարևորությունը Վրաստանի պաշտպանունակության ամրապնդման և եվրաատլանտյան ինտեգրման գործում։ Հանդիպումներից հետո Իրակլի Չիկովանին ծաղկեպսակով զարդարել է անհայտ զինվորի գերեզմանը»,- նշված է Վրաստանի պաշտպանության նախարարության տարածած տեղեկատվության մեջ։