Վրաստանի պաշտպանության նախարարը շարունակում է հանդիպումները դիվանագիտական կորպուսի ներկայացուցիչների հետ։ Իրակլի Չիքովանին ճանաչողական հանդիպում է ունեցել Ռումինիայի դեսպանի և պաշտպանական կցորդի հետ։
Նախարարը շնորհակալություն է հայտնել Ռազվան Ռոտունդուին և փոխգնդապետ Օվիդիու Պիսկոչուին Վրաստանի ինքնիշխանության և տարածքային ամբողջականության, ինչպես նաև ՆԱՏՕ-ին և Եվրամիությանը ինտեգրվելու համար Ռումինիայի կողմից ցուցաբերած աջակցության համար։
Հանդիպմանն ընդգծվել է Վրաստանի և Ռումինիայի միջև ռազմավարական գործընկերության կարևորությունը, պաշտպանության ոլորտում հաջող երկկողմ համագործակցությունը, Ռումինիայի դերն ու ակտիվ մասնակցությունը ՆԱՏՕ-Վրաստան Էական փաթեթի (SNGP) իրականացմանը:
Կողմերը հույս են հայտնել, որ առկա սերտ, հետևողական համագործակցությունը տարբեր ոլորտներում, այդ թվում՝ վերապատրաստման և ռազմական կրթության, ավելի կխորանա և ավելի բազմազան կդառնա։
Տեղեկությունը տարածում է Պաշտպանության նախարարության մամուլի ծառայությունը։