Վրաստանի դիրքորոշումը մեկն է և կարևոր, որ մենք խաղաղ ճանապարհով կվերականգնենք մեր տարածքային ամբողջականությունը և մեր աբխազ և օս եղբայրների հետ միասին կկառուցենք եվրոպական պետություն,- ասել է խորհրդարանական մեծամասնության անդամ Իրակլի Չիքովանին։

Չիքովանին մեկնաբանել է Ուկրաինայի նախագահ Վլադիմիր Զելենսկու հայտարարությունը, ով ասել է. «Ռուսական ագրեսիայի դեմ մեր պաշտպանության շնորհիվ Վրաստանի համար նոր հեռանկարներ կբացվեն՝ վերականգնելու իր տարածքային ամբողջականությունը»։

Ինչպես նշել է Չիքովանին, ինքը չի կարող ասել, թե ինչ նկատի ուներ նախագահ Զելենսկին։ Բացի այդ, նրա խոսքով, բազմաթիվ շահարկումներ են եղել, այդ թվում՝ ուկրաինացի պաշտոնյաների կողմից՝ կապված Վրաստանի տարածքային ամբողջականության վերականգնման հետ։

«Ես չեմ կարող ձեզ ասել, թե ինչ նկատի ուներ նախագահ Զելենսկին։ Այս դեպքում շատ շահարկումներ եղան, այդ թվում՝ ուկրաինացի պաշտոնյաների կողմից՝ Վրաստանի տարածքային ամբողջականության վերականգնման վերաբերյալ։ Վրաստանի դիրքորոշումը մեկն է և կարևոր, որ մենք խաղաղ ճանապարհով կվերականգնենք մեր տարածքային ամբողջականությունը և մեր աբխազ և օս եղբայրների հետ միասին կկառուցենք եվրոպական պետություն»,- ասել է Չիքովանին։