«Վրացական երազանքի» Զուգդիդիի մեծամասնական ընտրակարգով պատգամավորի թեկնածու Իրակլի Չիքովանին գնահատում է Ամերիկայի Միացյալ Նահանգների պետքարտուղար Մայք Փոմփեոյի այցը: Մեծամասնական ընտրակարգով պատգամավորի թեկնածուն նշել է, որ Փոմփեոյի այցը Վրաստանի հետեւողական աշխատանքի արդյունք է, և երկու երկրների հարաբերություններն այժմ գտնվում են ամենաբարձր մակարդակի վրա:

«Ես կարևորում եմ այցը մի կողմից՝ որպես արդյունք, իսկ մյուս կողմից՝ որպես սկիզբ, այն հետևողական աշխատանքի արդյունքը, որը մենք ունեցել ենք տարիների ընթացքում՝ մեր ռազմավարական գործընկերոջ հետ համագործակցության առումով, առաջ շարժվելով ամեն օր, շաբաթական և տարեկան: Դրա վառ օրինակն այն աջակցության փաթեթն է, որը մենք ստանում ենք մեր ռազմավարական գործընկերներից», – հայտարարում է Իրակլի Չիքովանին:

Ըստ մեծամասնական ընտրակարգով առաջադրված թեկնածուի, այն նշաձողը, որն ունի Վրաստանը Ամերիկայի Միացյալ Նահանգների հետ կապված, ամենաբարձրն է, որ մեր երկիրը երբևէ ունեցել է Միացյալ Նահանգների հետ հարաբերությունների առումով:

«Մյուս կողմից, իհարկե, սա սկիզբ է, հաշվի առնելով բոլոր նախադրյալները, հաշվի առնելով տարածաշրջանում առկա աշխարհաքաղաքական իրավիճակը: Վրաստանը շատ հստակ և շատ պարզ օրինակ է Միացյալ Նահանգների հետ գործընկերության տեսանկյունից: Մենք լիովին համաձայն ենք այն հարցում, թե ինչպես զարգացնել մեր հարաբերությունները, ինչպես զարգացնել այս պետությունը և, իհարկե, ինչպես ենք տեսնում ժամանակակից աշխարհը և ընդհանրապես ժողովրդավարական աշխարհը: ԱՄՆ պետքարտուղարի այցը մեր հարաբերությունների հետագա ամրապնդման ուղիներից մեկն է», – նշել է Իրակլի Չիքովանին: