Վրաստանի խորհրդարանական պատվիրակությունը՝ պաշտպանության և անվտանգության կոմիտեի նախագահ Իրակլի Բերաիայի գլխավորությամբ, հանդիպում է ունեցել Ռումինիայի վարչապետ Նիկոլաե Չիուկայի հետ։
Խորհրդարանի մամուլի ծառայությունից հայտնում են, որ հանդիպմանը քննարկվել են երկու երկրների միջև գործընկերությունը, պաշտպանության և անվտանգության ոլորտում համագործակցությունը, Ուկրաինայի դեմ ռուսական ռազմական ագրեսիան, դրա ազդեցությունը Սևծովյան տարածաշրջանի և Եվրաատլանտյան տարածքի անվտանգության վրա։
«Ռումինիայի վարչապետն ընդգծել է իր ամուր աջակցությունը Վրաստանի ինքնիշխանությանը, տարածքային ամբողջականությանը, ՆԱՏՕ-ին և Եվրամիությանը ինտեգրմանը։ Հանդիպմանը նշվել է նաև երկու երկրների միջև գործընկերության հետագա ամրապնդման և խորացման կարևորությունը։
Վրացական կողմից հանդիպմանը մասնակցում էին պաշտպանության և անվտանգության հանձնաժողովի փոխնախագահ Վլադիմիր Չաչիբայան, արտաքին հարաբերությունների հանձնաժողովի փոխնախագահ Դավիթ Զիլֆիմիանին, Ռումինիայում Վրաստանի արտակարգ և լիազոր դեսպան Նիկոլոզ Նիկոլոզիշվիլին»,- ասվում է խորհրդարանի մամուլի ծառայության հաղորդագրության մեջ։