Ապօրինի ձերբակալված Գելա Գոճոշվիլիին օկուպացված Ցխինվալիի դատարանը դատապարտել է մեկ տարվա ազատազրկման։ Այս մասին Էրգնեթիի հանդիպման ժամանակ տեղեկացել է ՊԱԾ-ի վերլուծական վարչության փոխտնօրեն Իրակլի Անթաձեն, ով տեղեկատվություն է տրամադրել լրատվամիջոցներին։

Միջադեպերի կանխարգելման և արձագանքման մեխանիզմի նիստը Էրգնեթիում այսօր տևել է վեց ժամ։ Իրակլի Անթաձեի խոսքով, հանդիպմանը քննարկվել են օկուպացիոն գծի երկայնքով վերջին օրերին տեղի ունեցած բոլոր միջադեպերը։

«Հանդիպմանը մենք քննարկել ենք բոլոր այն միջադեպերը, որոնք տեղի են ունեցել վերջերս։ Խոսեցինք նաև քաղաքացիների ապօրինի ձերբակալությունների և ապօրինի սահմանազատման գործընթացի մասին։ Հանդիպմանը տեղեկություններ են փոխանցվել Գելա Գոճոշվիլիի մասին։ Նա դատապարտվել է մեկ տարվա ազատազրկման։ Նրան առաջադրված մեղադրանքները լիովին անհիմն են»,- ասել է Իրակլի Անթաձեն։

Նրա խոսքով՝ հանդիպմանը կենտրոնական իշխանության ներկայացուցիչները խոսել են նաեւ Գենադի Բեստաեւի անօրինական կալանավորման մասին։ Բեստաևին երկու օր առաջ օկուպացված Ցխինվալից տեղափոխել են Թբիլիսիի կլինիկաներից մեկը։ Նրա մոտ ինսուլտ է սկսվել։

Ինչպես նշվեց, հանդիպմանը վրացական կողմը հերթական անգամ պահանջել է բացել Ախալգորիի անցակետը։