«IPM» ընկերությունը հայտարարություն է տարածում իր կողմից կատարված հետազոտության վերաբերյալ:
Ինչպես պարզաբանում է ընկերությունը, վերջին ամիսների իր ուսումնասիրությունները վերաբերում են հասարակության վերաբերմունքին փոքրամասնությունների նկատմամբ, ինչպես նաև բողոքի ձևերին և սոցիալական այլ հարցերին:
Ընկերությունում պնդում են, որ թեման քաղաքականացվել է որոշ քաղաքական դերակատարների և լրագրողների կողմից:
«IPM»-ը կոչ է անում քաղաքական գործիչներին և լրագրողներին, զերծ մնալ կեղծ տեղեկատվություն տարածելուց:
«Մենք կցանկանայինք պարզաբանել վերջին օրերին մեր մասին տարածված հերթական ապատեղեկատվությունը:
Վերջին մի քանի ամիսների ընթացքում «IPM» ընկերությունը հարցում է անցկացրել, որը հիմնված է «World Value Survey»-ի վրա, որն ընդգրկում է փոքրամասնությունների նկատմամբ հասարակության վերաբերմունքը, բողոքի ձևերը և սոցիալական այլ խնդիրներ:
Չնայած մենք երեք հեռուստաընկերություններին տեղեկատվություն ենք տրամադրել հարցման վերաբերյալ, մենք նրանց առաջարկել ենք ծանոթանալ «World Value Survey»-ի հարցաշարին, առանձին քաղաքական դերակատարների և որոշակի քաղաքական կուսակցությունների շահերը կարող լրագրողների շնորհիվ, թեման դեռ քաղաքականացվեց:
Հետևաբար, մենք մեկ անգամ ևս խորհուրդ ենք տալիս քաղաքական դերակատարներին, քաղաքական գործիչներին և լրագրողներին, ստուգել տեղեկատվության ճշգրտությունը նախքան դրանց տարածումը, ծանոթանալ «World Value Survey»-ի հետազոտությանը, որն անցկացվում է աշխարհի բազմաթիվ երկրներում, և զերծ մնալ ապատեղեկատվություն տարածելուց»,- ասվում է «IPM»-ի հայտարարության մեջ:
Հիշեցնենք, որ «Վրացական երազանքի» գործադիր քարտուղար Իրակլի Կոբախիձեի հայտարարությամբ, ընդդիմությունը «IPM»-ի վերաբերյալ ուսումնասիրություն էր պատվիրել, որտեղ հարցին, ինչ կանեին քաղաքացիները, եթե գոհ չլինեին ընտրությունների արդյունքներից, առաջարկվող պատասխաններից մեկն է – պետական շենքի գրավում և պահանջը բավարարելու նպատակով ֆիզիկական կամ զինված ուժի կիրառում:
