Ինգուշեթիայում զինված անձինք կրակ են բացել ոստիկանական մեքենայի վրա, կան զոհեր
Ինգուշեթիայում զինված անձինք կրակ են բացել մեքենայի վրա, ինչի հետևանքով մահացել է երեք մարդ, այդ թվում՝ մեկ ոստիկան։
Այս մասին տեղեկություն է տարածում հանրապետության ՆԳՆ մամուլի ծառայությունը։
Գերատեսչությունում նշում են, որ ներկայումս օպերատիվ-որոնողական միջոցառումներ են իրականացվում հարձակվողներին ձերբակալելու համար։ Բացի այդ, ինչպես նշում է ՆԳՆ-ն, սպանվածները միմյանց հարազատներն են եղել։
Ռուսական լրատվամիջոցների փոխանցմամբ՝ կրակ բացված մեքենան պատկանել է Ինգուշեթիայի ՆԳՆ ծայրահեղականության դեմ պայքարի կենտրոնի ղեկավարի տեղակալին։
Ինգուշեթիայի ղեկավար Մահմուդ-Ալի Կալիմատովի խոսքով՝ ոստիկանության վրա հարձակումն ուղղված է եղել տարածաշրջանում կայունության և անվտանգության դեմ։