Ինը երկրների առաջնորդներ ժամանել են Կիև՝ Ուկրաինայի պատերազմի չորրորդ տարեդարձի կապակցությամբ
Ինը երկրների առաջնորդներ ժամանել են Կիև՝ Ուկրաինայի դեմ Ռուսաստանի լայնածավալ պատերազմի չորրորդ տարեդարձի կապակցությամբ։
Ըստ ուկրաինական լրատվամիջոցների՝ Կիև են ժամանել Դանիայի, Շվեդիայի, Ֆինլանդիայի, Իսլանդիայի, Լատվիայի, Լիտվայի, Նորվեգիայի, Էստոնիայի և Խորվաթիայի առաջնորդները։
«Բարի գալուստ, սիրելի՛ դաշնակիցներ։ Շնորհակալություն եմ հայտնում Ուկրաինային այսօր և Ռուսաստանի դաժան լայնածավալ պատերազմի չորս տարիների ընթացքում աջակցելու համար», – X սոցիալական ցանցում գրել է Ուկրաինայի արտաքին գործերի նախարար Անդրեյ Սիբիգան։
Ավելի վաղ հայտնի էր դարձել, որ Կիևում են նաև Եվրահանձնաժողովի նախագահ Ուրսուլա ֆոն դեր Լեյենը և Եվրախորհրդի նախագահ Անտոնիո Կոստան։
Ինչպես հայտնի է, այսօր Կիևում նախատեսված է Ուկրաինային աջակցող այսպես կոչված Կամքի կոալիցիայի հանդիպում։