Դեպքի վայրում նռնակը ինձ մոտ դրել է Զազա Բաքրաձեն, և դրա մասին տեղեկացրել եմ դատախազությանը, երբ նրան ճանաչել եմ լուսանկարի վրա,-այս հայտարարությունը Բուտա Ռոբաքիձեի ընկերը և այսպես կոչված հատուկ գործողության ժամանակ ձերբակալված, Ակակի Բարթաիան արել է առաջին ալիքի «արդիական թեմա Մակա Ցինցաձեի հետ» հաղորդման ժամանակ:

«Այս անձը արտաքնապես քիչ փոխված է, քանզի անցել է 13 տարի, ես լավ եմ հիշում թե ինչպիսին էր նա այն ժամանակ: Ես և Լևան Դանգաձեն միասին էինք և Բաքրաձեն մեզ տարավ կողքի, իմ գրպանում դրեց նռնակ և այդ նռնակը ընկավ գետնին, դրանից հետո նա կրկին դրեց այն գրպանս և ասաց, որ անիմաստ է այն դեն գցել»,-ասել է Բարթաիան:

Նրա խոսքերով դեպքի վայրում բոլոր գործողությունները ղեկավարում էին Գուրամ Դոնաձեն և Զուրաբ Միքաձեն:

«Նրանք գոռում էին ներկաների վրա, այսպես արեք այնպես արեք, այն ժամանակ չգիտեի թե ով էր Գուրամ Դոնաձեն: Այնպիսի տպավորություն էր, որ նա էր ղեկավարը»,-նշել է Բուտա Ռոբաքիձեի ընկերը:

Մինչ այդ «արդիական թեմա Մակա Ցինցաձեի հետ» հաղորդմանը սկայպով միացել էր քրեական ոստիկանության նախկին ղեկավար Զազա Բաքրաձեն, ով հայտարարել է, որ Ակակի Բարթաիայի գրպան նռնակը դրել է ինքը: