Ինդոնեզիայում երկրաշարժի զոհերի թիվը հասել է 47-ի

Ինդոնեզիայի Ֆլորես կղզում տեղի ունեցած երկրաշարժի զոհերի թիվը հասել է 47-ի։

Երկրի Ազգային աղետների կառավարման գործակալությունը հայտնել է, որ մոտ 50 մարդ տարբեր վնասվածքներով տեղափոխվել է հիվանդանոցներ։

Երկրաշարժը զգալի վնաս է հասցրել 157 տների և հինգ օդանավակայանների։

Բացի այդ, 6.9 մագնիտուդով երկրաշարժ է տեղի ունեցել Ինդոնեզիայի Սումատրա կղզում։ Էպիկենտրոնը գտնվել է Պեմատանգսիանտար քաղաքից յոթ կիլոմետր հյուսիս։

Փրկարարական աշխատանքները դեռևս շարունակվում են։