Վրաստանի կառավարության այսօրվա նիստում քննարկվել է երկու հողմային էլեկտրակայանների և մեկ արևային էլեկտրակայանի զարգացման և առաջմղման նախագիծը։

Իմերեթիի տարածաշրջանում կիրականացվի հողմային էլեկտրակայանի նախագծերից մեկը, որի հաշվարկային դրվածքային հզորությունը 103,5 մեգավատ է, իսկ թողարկումը կհասնի 362 մլն կՎտ/ժամի։ Ըստ կառավարության վարչակազմի, ծրագրի համար անհրաժեշտ ներդրումների ծավալը կազմում է 130 մլն ԱՄՆ դոլար։

Ինչ վերաբերում է երկրորդ հողմային էլեկտրակայանին, որը նախատեսվում է կառուցել Շիդա Քարթլիի շրջանում՝ Քարելիի մունիցիպալիտետում, ապա դրա դրվածքային հզորությունը 43,4 ՄՎտ է, թողունակությունը՝ 148 մլն կՎտժ, իսկ ներդրումների ծավալը՝ 25,25 մլն ԱՄՆ դոլար։

Բացի այդ, ըստ կառավարության վարչակազմի, 4,797 մլն ԱՄՆ դոլարի ներդրում կկատարվի Իմերեթիի շրջանում՝ Թերջոլայի մունիցիպալիտետում՝ 7,8 ՄՎտ հզորությամբ արևային էլեկտրակայան կառուցելու համար, որի հաշվարկային հզորությունը կկազմի 10,295 մլն կՎտժ։ Այս փուլում ընթացքի մեջ են բոլոր երեք նախագծերի տեխնիկատնտեսական ուսումնասիրության և ուսումնասիրությունների օրենսդրությամբ նախատեսված ընթացակարգերը։