ՆԳ նախարարության Իմերեթիի, Ռաճա-Լեչխումիի և Քվեմո Սվանեթիի ոստիկանության բաժինների ծառայողները, ձեռնարկված օպերատիվ միջոցառումների և քննչական գործողությունների արդյունքում, 1996 թվականին ծնված Գ.Կ.-ին ձերբակալել են կանխամտածված սպանության մեղադրանքով։ Այս մասին տեղեկություն է տարածում ՆԳ նախարարությունը։

«Քննությամբ պարզվել է, որ այս տարվա դեկտեմբերի 17-ին Խոնիի մունիցիպալիտետում մեղադրյալը սառը զենքով երկու վնասվածք է հասցրել 1989 թվականին ծնված Գ.Ք.-ին եւ թաքնվել դեպքի վայրից։

Գ.Չ.-ն հասցված վնասվածքների հետեւանքով  տեղում մահացել է։

Ոստիկանության կողմից ձեռնարկված օպերատիվ միջոցառումների և քննչական գործողությունների արդյունքում հանցագործություն կատարած անձը դեպքից մի քանի ժամ անց ձերբակալվել է թեժ հետախուզման մեջ։ Իրավապահները որպես ապացույց վերցրել են հանցագործության զենքը` դանակը։

Նախաքննությունը տարվում է Քրեական օրենսգրքի 108 հոդվածով, որը ենթադրում է դիտավորյալ սպանություն։ Հանցագործությունը պատժվում է ազատազրկմամբ՝ 10-ից 15 տարի ժամկետով»,- ասված է ՆԳ նախարարության տեղեկատվության մեջ։