Վրաստանի Ներքին գործերի նախարարության Իմերեթիի ոստիկանության դեպարտամենտի աշխատակիցները ձերբակալել են 1992 թվականին ծնված Ջ.Դ.-ին՝ խոշոր չափով թմրամիջոցի ապօրինի ձեռքբերման, պահպանման, իրացման, ինչպես նաև ռազմամթերքի անօրինական ձեռքբերման և պահպանման մեղադրանքով։

ՆԳՆ-ի տվյալներով՝ իրավապահների կողմից, դատավորի որոշման հիման վրա, ինտենսիվ ռեժիմով իրականացված քննչական գործողությունների, այդ թվում՝ գաղտնի աուդիո-վիդեո ձայնագրությունների արդյունքում, հաստատվել է, որ Ջ.Դ.-ն զբաղվել է «մեթադոն» թմրամիջոցի իրացմամբ։

«Ոստիկանությունը որպես ապացույց առգրավել է Ջ.Դ.-ի կողմից ապօրինաբար իրացրած թմրամիջոցը։ Բացի այդ, նրա բնակարանում իրականացված խուզարկության արդյունքում հայտնաբերվել և առգրավվել են մարտական փամփուշտներ։

Քրեական գործ է հարուցվել Վրաստանի քրեական օրենսգրքի 260-րդ, 260^3 և 236-րդ հոդվածներով, որոնք նախատեսում են մինչև 20 տարի կամ ցմահ ազատազրկում», – նշված է ՆԳՆ-ի հաղորդագրության մեջ։