Իմ ուկրաինացի գործընկերոջ հետ հանդիպման հիմնական հարցերից մեկը մեր ձգտումն էր դեպի Եվրամիություն
Մեր հանդիպման հիմնական հարցերից մեկը մեր ձգտումն էր դեպի Եվրամիություն, – ասել է Վրաստանի վարչապետ Իրակլի Ղարիբաշվիլին Ուկրաինայի վարչապետ Դենիս Շմիգալի հետ համատեղ ճեպազրույցում:
Իրակլի Ղարիբաշվիլիի խոսքով, հանդիպմանը քննարկվել են նաև Վրաստանի ու Ուկրաինայի ՆԱՏՕ-ին ինտեգրման հարցերը:
«Մեր հանդիպման հիմնական հարցերից մեկը մեր ձգտումն էր դեպի Եվրամիություն: Իհարկե, երկու երկրներն էլ հստակ կազմավորված են Եվրամիության անդամ դառնալու համար, և մենք, բնականաբար, շատ ենք խոսել այս հարցի շուրջ: Ինչպես գիտեք, այս տարվա մայիսի 17-ին Վրաստանը, Ուկրաինան և Մոլդովան հուշագիր ստորագրեցին «Ասոցացված եռյակի» ստեղծման վերաբերյալ, որը շատ կարևոր քաղաքական հայտ է: Մենք քննարկեցինք նաև Վրաստանի և Ուկրաինայի ինտեգրումը ՆԱՏՕ-ին: Երկու երկրներն էլ շատ մոտիվացված են շատ շուտ դառնալու ՆԱՏՕ-ի լիիրավ անդամ: Ինչպես գիտեք, Բուխարեստի գագաթնաժողովում դաշնակիցները որոշեցին, որ Վրաստանը և Ուկրաինան կդառնան ՆԱՏՕ-ի անդամներ, և տարիների ընթացքում մեր երկրները զգալի առաջընթաց են գրանցել այս ճանապարհին», – ասաց վարչապետը: