Միլիարդատեր և X հարթակի սեփականատեր Իլոն Մասկը այսօր պետք է ներկայանա Ֆրանսիայի դատախազություն հարցաքննության։

Ռոյթերսի տվյալներով՝ գործը վերաբերում է Մասկի հարթակներում ալգորիթմների հնարավոր կողմնակալությանը։

Այս փուլում հայտնի չէ, թե արդյոք Մասկը կմասնակցի հարցաքննությանը։

Ամերիկացի միլիարդատերը կանչվել է Ֆրանսիայի դատախազություն, այն բանից հետո, երբ Փարիզի դատախազության կիբերհանցագործությունների դեմ պայքարի ստորաբաժանումը փետրվարին խուզարկել է X-ի գրասենյակները։

Հետաքննությունը, որը սկզբում կենտրոնացած էր տվյալների խարդախության վրա, հետագայում ընդլայնվեց՝ ներառելով մանկական պոռնոգրաֆիայի տարածմանը և իրական մարդկանց կեղծ մերկ լուսանկարների ստեղծմանը հանցակցության մեղադրանքները։

Հուլիսին Մասկը հերքեց մեղադրանքները՝ հետաքննությունն անվանելով «քաղաքականապես դրդապատճառներով»։