Համայն Վրաստանի կաթողիկոս-պատրիարք Իլիա Երկրորդը քահանաների և հոգևորականների հետ ընդունել է Երուսաղեմի Ջվարիի (խաչ) վանքի առաջնորդ Պելայի արքեպիսկոպոս Փիլոմենին և Երուսաղեմի Սուրբ Հովակիմ և Աննա եկեղեցու առաջնորդ Մելետիոս վարդապետին: Տեղեկությունը տարածում է Վրաստանի պատրիարքարանը:
Նրանց խոսքով, հանդիպմանը ներկա է եղել նաեւ Իսրայելում Վրաստանի արտակարգ եւ լիազոր դեսպան Լաշա Ժվանիան:
«Ջվարիի վանքի առաջնորդը Նորին Սրբությանը նվիրեց Երուսաղեմի Նորին Սրբություն Պատրիարք Թեոֆիլ III-ի ողջույնն ու նվերը:
Հանդիպմանը քննարկվել է Ջվարիի վանքում ստեղծված իրավիճակը եւ Իսրայելում գտնվող մեր հայրենակիցների թեման: Արքեպիսկոպոս Ֆիլոմենը նշեց, որ վրացիները հաճախ են գնում Ջվարիի վանք, ակտիվորեն մասնակցում են ծառայությանը և ինքն էլ փորձում է այնպես անել, որ մարդիկ իրենց զգան ինչպես Վրաստանում:
Ֆիլոմեն արքեպիսկոպոսը շնորհակալություն հայտնեց Սրբազնագույնին ընդունելության համար և երախտագիտությամբ նշեց, որ որպես Վրաստանի քաղաքացի՝ նա կանի հնարավորը Սուրբ հողում գտնվող վրացիներին օգնելու համար», – ասվում է Վրաստանի պատրիարքարանի հայտարարության մեջ:
Նրանց խոսքով, Համայն Վրաստանի կաթողիկոս-պատրիարքը շնորհակալություն է հայտնել հյուրերին վրացիների նկատմամբ ցուցաբերած ուշադրության համար, օրհնել նրանց և հրավիրել Սվետիցխովլոբա տոնին նվիրված պատարագին:
