Վրաստանի արտաքին գործերի նախարար Իլիա Դարչիաշվիլին շնորհավորում է Ստեֆան Սեժորնեին Ֆրանսիայի՝ Եվրոպայի և արտաքին գործերի նախարարի պաշտոնում նշանակվելու կապակցությամբ։ Այս մասին սոցիալական ցանցերում գրում է Իլիա Դարչիաշվիլին։

Ինչպես գրում է Դարչիաշվիլին, նա վստահ է, որ համատեղ ջանքերը կամրապնդեն Վրաստանի և Ֆրանսիայի միջև կապերը։

«Շնորհավորում եմ Ստեֆան Սեժորնեին, Ֆրանսիայի՝ Եվրոպայի և արտաքին գործերի նախարարի պաշտոնում նշանակվելու կապակցությամբ։ Մաղթում եմ ձեզ հաջողություն այս կարևոր առաքելության մեջ։ Այժմ, երբ Վրաստանը մեկ քայլ ավելի մոտ է եվրոպական ընտանիքին, ես հանձնառու եմ շարունակել ակտիվ համագործակցությունը ձեր երկրի հետ։ Վստահ եմ, որ համատեղ ջանքերով մենք կամրապնդենք նաև Վրաստանի և Ֆրանսիայի միջև կապերը»,- գրել է Իլիա Դարչիաշվիլին։

Ֆրանսիայի նոր վարչապետ Գաբրիել Ատալը ներկայացրել է նախարարների նոր կաբինետը։