Վրաստանի արտաքին գործերի նախարար Իլիա Դարչիաշվիլին շնորհակալագրեր է ստացել Խարկովի քաղաքապետից և Լվովի շրջանի վարչակազմի ղեկավարից։

Խարկովի քաղաքապետ Իգոր Տերեխովը և Լվովի վարչակազմի ղեկավար Մաքսիմ Կոզիցկին մունիցիպալիտետների անունից շնորհակալություն են հայտնում Վրաստանի կառավարությանը Խարկով և Լվով քաղաքներին փոխանցված գեներատորների համար։

Ինչպես նշվում է Վրաստանի արտաքին գործերի նախարարության ղեկավարին ուղարկված նամակում, Խարկովի և Լվովի քաղաքապետարանները երախտապարտ են Վրաստանի վարչապետի նախաձեռնությամբ ցուցաբերվող մարդասիրական օգնության համար, ինչը զգալիորեն օգնում է նրանց հաղթահարել առկա մարտահրավերները։

«Իմ անկեղծ շնորհակալությունն ու խորին հարգանքն եմ հայտնում Վրաստանի արտաքին գործերի նախարարությանը և անձամբ Ձեզ, հարգելի նախարար, ինչպես նաև Ուկրաինայում Վրաստանի դեսպանատանը և անձամբ Ձեզ, հարգելի դեսպան, Վրաստանի կառավարության կողմից։ Համաձայն Վրաստանի վարչապետ Իրակլի Ղարիբաշվիլիի հրամանագրի՝ մարդասիրական օգնության տեսքով հզոր գեներատորների տեղափոխումն ապահովելու և այդ գործընթացին անմիջական մասնակցության համար։ Ռազմական գործողությունների պայմաններում դա էապես կնպաստի ձմեռային շրջանի մարտահրավերներին դիմակայելու Խարկով քաղաքի պատրաստակամությանը»,- իր նամակում նշել է Իգոր Տերեխովը։

Նամակում նշվում է նաև, որ գեներատորները բաշխվել են Խարկովի քաղաքային խորհրդի կարևոր ենթակառուցվածքային ընկերությունների միջև, որոնք ապահովում են քաղաքի գործունեությունը ամենադժվար պայմաններում՝ էլեկտրաէներգիա ապահովելով բժշկական հաստատություններին, պոմպակայաններին, ջրատարներին, ջրամատակարարման օբյեկտներին և քաղաքի կաթսաներին։

«Այսպիսի դժվար պահին Ուկրաինային օգնելու համար ձեռնարկված յուրաքանչյուր քայլ անգնահատելի է և մեզ ավելի է մոտեցնում հաղթանակին: Անկեղծորեն շնորհակալություն եմ հայտնում ձեր աջակցության համար»,- իր նամակում ասել է Իգոր Տերեխովը։

Լվովի շրջանի ռազմական վարչակազմի ղեկավարը նշում է, որ վրացական կողմի տրամադրած գեներատորները ոչ միայն կբարելավեն իրավիճակը օբյեկտների էլեկտրաէներգիայի մատակարարման առումով, այլ նաև կօգնեն լուծել ձմեռային շրջանի հետ կապված խնդիրները։

«Մեր խորին երախտագիտությամբ մենք Վրաստանի ժողովրդին անկեղծորեն մաղթում ենք խաղաղություն և բարգավաճում։ Թող այս տարին լինի հաջողակ, բեղմնավոր, դրական հույզերով և նոր ձեռքբերումներով հագեցած»,- ասված է Մաքսիմ Կոզիցկու նամակում։

Տեղեկությունը տարածում է Վրաստանի արտաքին գործերի նախարարությունը։