Վրաստանի արտաքին գործերի նախարար Իլիա Դարչիաշվիլին նոյեմբերի 16-ին կայցելի Դանիայի Թագավորություն։
Իլիա Դարչիաշվիլին հանդիպում կունենա դանիացի գործընկեր Լարս Լոկե Ռասմուսենի հետ։
Վրաստանի արտաքին գործերի նախարարության մամուլի ծառայության տեղեկության համաձայն, հանդիպումից հետո Վրաստանի արտաքին գործերի նախարարության և Դանիայի արտաքին գործերի նախարարության միջև կստորագրվի փոխըմբռնման հուշագիր՝ քաղաքական և զարգացման ոլորտներում ընդլայնված համագործակցության վերաբերյալ:
Այցի շրջանակներում ԱԳ նախարարը կհանդիպի նաև Դանիայի խորհրդարանի արտաքին քաղաքականության, արտաքին հարաբերությունների և եվրոպական հարցերի կոմիտեների նախագահների հետ։