ՄԱԿ-ի Գլխավոր ասամբլեայի 79-րդ նստաշրջանի շրջանակներում Վրաստանի արտաքին գործերի նախարար Իլիա Դարչիաշվիլին Նյու Յորքում հանդիպում է ունեցել Հունգարիայի արտաքին գործերի և առևտրի նախարար Պետեր Սիյարտոյի հետ։ Այս մասին հայտնում է Վրաստանի արտաքին գործերի նախարարությունը։

Գործակալության հաղորդմամբ՝ հանդիպմանը շոշափվել են երկու երկրների միջև հաստատված սերտ բարեկամական և ռազմավարական գործընկերային հարաբերությունները։ Կողմերը քննարկել են երկկողմ համագործակցության լայն շրջանակ։

«Ուշադրությունը կենտրոնացած էր Եվրամիության Խորհրդում Հունգարիայի նախագահության, ընթացիկ և ծրագրված իրադարձությունների վրա. Նաև Վրաստանի կողմից՝ Եվրամիությանն ինտեգրվելու գործընթացի վերաբերյալ։

Խոսելով երկրների միջև առևտրատնտեսական համագործակցության մասին՝ նա կարևորել է «Վրաստանի կառավարության և Հունգարիայի կառավարության միջև ներդրումների խթանման և փոխադարձ պաշտպանության մասին» համաձայնագիրը, որը ստորագրվել է ս.թ. Նշվել է երկու երկրների միջև բարձր մակարդակի փոխայցելությունների փոխանակման դրական դինամիկան։

Իլիա Դարչիաշվիլին շնորհակալություն է հայտնել իր գործընկերոջը՝ Վրաստանի տարածքային ամբողջականությանն ու ինքնիշխանությանը, ինչպես նաև երկրի արտաքին քաղաքական նպատակներին ցուցաբերած անսասան աջակցության համար։

«Հանդիպման ավարտին երկուստեք հաստատվել է Վրաստանի և Հունգարիայի միջև համագործակցության հետագա ամրապնդմանը նպաստելու պատրաստակամությունը»,- ասված է ԱԳՆ տեղեկատվության մեջ։