Վրաստանի արտաքին գործերի նախարարության ղեկավար Իլիա Դարչիաշվիլին Մյունխենի անվտանգության համաժողովի շրջանակներում հանդիպել է ԱՄՆ Միջազգային զարգացման ֆինանսական կորպորացիայի գործադիր տնօրեն Սքոթ Նաթանի հետ։

ԱԳՆ մամուլի ծառայությունից հայտնում են, որ կողմերը քննարկել են երկու երկրների ռազմավարական գործընկերության առաջնահերթ ուղղությունները և հետագա համագործակցության հեռանկարները, այդ թվում՝ տնտեսական համագործակցության ամրապնդման և ներդրումների ներգրավման ուղղությամբ։

«Նշել է ԱՄՆ Միջազգային զարգացման ֆինանսական կորպորացիայի զգալի ներուժը՝ առևտրի և ֆինանսական հատվածների միջև կապերի ամրապնդման առումով։ Ուշադրություն է դարձվել Սև ծովի աճող տնտեսական ներուժին և ընդգծվել է այդ ուղղությամբ համագործակցության խորացման անհրաժեշտությունը»,- ասված է ԱԳՆ մամուլի ծառայության հաղորդագրության մեջ։