Իլիա Դարչիաշվիլին այցով գտնվում է Սաուդյան Արաբիայի Թագավորությունում
Վրաստանի արտաքին գործերի նախարար Իլիա Դարչիաշվիլին այցով գտնվում է Սաուդյան Արաբիայի Թագավորությունում։
Այցի շրջանակներում Վրաստանի առաջին դիվանագետը հանդիպում կունենա իր գործընկեր արքայազն Ֆեյսալ բին Ֆարհանի հետ։
Երկու երկրների արտգործնախարարների հանդիպումից հետո Վրաստանի և Սաուդյան Արաբիայի միջև համաձայնագիր կստորագրվի միջկառավարական համակարգող խորհրդի ստեղծման վերաբերյալ։
Նշված փաստաթղթի ստորագրումը էապես կնպաստի երկրների միջև տնտեսական և քաղաքական ուղղությամբ համագործակցության խորացմանը և երկու երկրների միջև առկա հարաբերությունները կբերի որակական նոր փուլ։
Նշենք, որ երկու երկրների միջև միջկառավարական համատեղ հանձնաժողովի ստեղծումը որոշվել է 2022 թվականին, Սաուդյան Արաբիայում, Վրաստանի վարչապետ Իրակլի Ղարիբաշվիլիի և Նորին Մեծություն Սաուդյան Արաբիայի Թագավորության գահաժառանգ Մուհամեդ բեն Սալման բեն Աբդուլազիզ Ալ Սաուդի հանդիպման ժամանակ։
Տեղեկությունը տարածում է Վրաստանի արտաքին գործերի նախարարության մամուլի ծառայությունը։