Վրաստանի արտաքին գործերի նախարար Իլիա Դարչիաշվիլին աշխատանքային այցով կայցելի Բրյուսել։ Վրաստանի արտաքին գործերի նախարարության մամուլի ծառայության փոխանցմամբ՝ Իլիա Դարչիաշվիլիի այցը Բրյուսել կկայանա սեպտեմբերի 25-26-ը։
«Իլիա Դարչիաշվիլին հանդիպումներ կունենա Եվրահանձնաժողովում, մասնավորապես, ընդլայնման և հարևանության քաղաքականության հարցերով հանձնակատարի, ինչպես նաև ներքին գործերի հարցերով եվրահանձնակատարի, Եվրահանձնաժողովի փոխնախագահի, արժեքների և թափանցիկության հարցերով եվրահանձնակատարի, էներգետիկայի և տնտեսական հարցերով եվրոպական հանձնակատարի հետ:
Այցի շրջանակներում Իլիա Դարչիաշվիլին կհանդիպի նաև Եվրոպական հանձնաժողովի Հարևանության և ընդլայնման բանակցությունների գլխավոր տնօրինության գլխավոր տնօրենի հետ։ Նաև աշխատանքային հանդիպում կանցկացվի ԵՄ անդամ երկրների մշտական ներկայացուցիչների հետ»,- նշվում է ԱԳՆ հաղորդագրության մեջ։