«Թափանցիկության մասին» օրենքը կանխարգելիչ մեխանիզմ է, որպեսզի կառավարությունը կարողանա բարեփոխումներ իրականացնել և համապատասխանեցնել արտաքին քաղաքական առաջնահերթություններին»,- հայտարարել է Վրաստանի արտաքին գործերի նախարար Իլիա Դարչիաշվիլին։

Իլիա Դարչիաշվիլիին հարցրել են Կանադայում թափանցիկության մասին օրենքի շուտափույթ ընդունման մասին։

Դարչիաշվիլիի խոսքով՝ թափանցիկության մասին օրենքի ընդունման հիմքը Վրաստանի առջեւ ծառացած մարտահրավերներից խուսափելն է։

«Երբ խոսում ենք այս օրենքի մասին, միշտ միանշանակ խոսում ենք այն մասին, թե ինչն է հիմք դարձել դրա ընդունման համար, ինչը մեզ ստիպել է քայլեր ձեռնարկել այս ուղղությամբ։ Վրաստանն այս ուղղությամբ մարտահրավերներ ունի։ Օրենքը կանխարգելիչ մեխանիզմ է, որ երկիրը խաղաղ, անաղմուկ, հետևողական անցնի այս դժվարին շրջանը՝ հասնելու ընտրությունների։ Վրաստանի բնակչությունը պետք է կատարի իր ընտրությունը, և երկիրը պետք է ապրի այնպես, որ կառավարությունը կարողանա բարեփոխումներ իրականացնել և համապատասխանեցնել արտաքին քաղաքական առաջնահերթություններին, ինչը մեր հիմնական նպատակն է»,- ասել է Դարչիաշվիլին։