Վրաստանի արտաքին գործերի նախարար Իլիա Դարչիաշվիլիի խոսքերով, Եվրահանձնաժողովի դրական հանձնարարականը Վրաստանի կողմից կատարված ինտենսիվ աշխատանքի ճանաչումն է։

Իլիա Դարչիաշվիլիի խոսքով՝ Վրաստանը ցույց է տվել իր ուժն ու հավատարմությունը եվրոպական արժեքներին։

«Շնորհավորում եմ, Վրաստան։ Եվրահանձնաժողովը դրական հանձնարարական է հրապարակել մեր երկրին թեկնածուի կարգավիճակ տրամադրելու վերաբերյալ։ Սա հստակ ճանաչում է Վրաստանի ինտենսիվ աշխատանքի այս կարևոր ճանապարհին։ Միասին մենք ցույց տվեցինք մեր ուժը, միասնականությունը և հավատարմությունը եվրոպական արժեքներին։ Անհամբեր սպասում եմ վերջնական որոշմանը դեկտեմբերին»,- գրել է Իլիա Դարչիաշվիլին։

Եվրահանձնաժողովը խորհուրդ է տալիս Եվրոպական խորհրդին Վրաստանին տրամադրել Եվրամիության անդամության թեկնածու երկրի կարգավիճակ։