Սևծովյան մալուխը կլինի առաջատար նախագծերից մեկը, որը հետագայում կշարունակի Եվրոպական միության հետ ֆիզիկական նախագծերի իրականացումը,- ասել է Վրաստանի արտաքին գործերի նախարար Իլիա Դարչիաշվիլին։

Դարչիաշվիլիի խոսքով, ապագայում նմանատիպ նախագծերին կաջակցի Եվրամիությունը։

«Մեկը քաղաքական ինտեգրումն է, քաղաքական ասոցացումը Եվրամիության հետ, մյուսը՝ մեր ֆիզիկական ինտեգրումը Եվրամիության հետ, որը պակաս կարևոր չէ։ Այս նախագիծը կլինի այն առաջատար նախագծերից մեկը, որը հետագայում կշարունակի Եվրոպական միության հետ ֆիզիկական նախագծերի իրականացումը: ԵՄ-ից մեր գործընկերների տրամադրվածությունն այն էր, որ նմանատիպ նախագծերը հետագայում շատ հստակ աջակցություն կստանան։ Մենք հույս ունենք Եվրամիության ուժեղ ներգրավվածության վրա, քանի որ սա փոխադարձ շահերի վրա հիմնված հարաբերություն է: Վրաստանն առանձնահատուկ դեր ունի հատկապես այսօր էներգետիկ անվտանգության առումով։ Որպես Եվրամիության և մեր գործընկեր երկրների վստահելի և հավատարիմ գործընկեր՝ մենք կշարունակենք արժեքավոր և հզոր ներդրում ունենալ ապագայում»,- ասել է Դարչիաշվիլին։

Եվրոպական միության հարևանության և ընդլայնման հարցերով հանձնակատար Օլիվեր Վարհեյը հայտարարել է, որ «Արևելյան գործընկերության» տնտեսական և ներդրումային ծրագիրը կֆինանսավորի Վրաստանի և Եվրամիության միջև էլեկտրական մալուխի նախագիծը։