Վրաստանի արտաքին գործերի նախարար Իլիա Դարչիաշվիլիի հայտարարության համաձայն՝ հետաքրքիր զրույց է տեղի ունեցել ԱՄՆ Պետդեպարտամենտի պետքարտուղարի տեղակալ Ջոն Բասսի հետ հանդիպմանը։

Դարչիաշվիլին հույս ունի, որ Վրաստանն ու ԱՄՆ-ը շուտով կոնկրետ քայլեր կձեռնարկեն հարաբերությունները նորմալ ռեժիմին վերադարձնելու համար։

«Ես հնարավորություն ունեցա հանդիպելու Վաշինգտոնում Պետդեպարտամենտի պետքարտուղարի տեղակալ Ջոն Բասի հետ։ Խոսեցինք առկա մարտահրավերների, մեր երկրի առջեւ ծառացած տարածաշրջանային մարտահրավերների մասին։ Հետաքրքիր ու անկեղծ զրույց ունեցանք։ Մենք խոսել ենք ամեն ինչի մասին և հուսով եմ, որ Վրաստանն ու ԱՄՆ-ը շուտով կոնկրետ քայլեր կձեռնարկեն հարաբերությունները նորմալ ռեժիմին վերադարձնելու համար։ Սա կարևոր է երկու երկրների համար և ծառայում է մեր երկրի կայունությանը և անվտանգությանը։

Կարծում եմ՝ Պետդեպարտամենտում տեղի ունեցած երկկողմ հանդիպումը միանշանակ կբերի կոնկրետ արդյունքների։ Մենք մոտիվացված ենք ակտիվորեն աշխատելու մեր հիմնական ռազմավարական գործընկերոջ՝ Ամերիկայի Միացյալ Նահանգների հետ, որպեսզի մի կողմից ամրապնդենք երկկողմ հարաբերությունները, մյուս կողմից՝ միասին աշխատենք ընդհանուր, գլոբալ մարտահրավերները հաղթահարելու համար»,- ասել է Իլիա Դարչիաշվիլին։