Հունգարիան ականավոր և ուժեղ աջակիցներից է, երբ խոսքը վերաբերում է մեր երկրին կարգավիճակի տրամադրմանը, մեր երկրի հաջող առաջընթացին դեպի վերջնական նպատակ,- ասել է Վրաստանի արտաքին գործերի նախարար Իլիա Դարչիաշվիլին։

Իլիա Դարչիաշվիլիի խոսքով՝ ինքը դրական ակնկալիքներ ունի թեկնածուի կարգավիճակի հետ կապված։

«Մենք առանձին-առանձին աշխատում ենք բոլոր անդամ երկրների, այդ թվում՝ Հունգարիայի հետ՝ Հունգարիայի հզոր աջակցությունն ունենալու համար։ Մեր ընդհանուր նպատակը եվրոպական հեռանկարից հետո թեկնածուի կարգավիճակ ստանալն է։ Մենք շատ ուժեղ և դրական ուղերձներ ունենք Հունգարիայից և ԵՄ անդամ շատ այլ երկրներից, որ Վրաստանն արժանի է թեկնածուի կարգավիճակին, և ես վստահ եմ, որ այն կստանա։ Հունգարիան ականավոր և ուժեղ աջակիցներից է, երբ խոսքը վերաբերում է մեր երկրին կարգավիճակ շնորհելուն, մեր երկրի հաջող քայլին դեպի վերջնական նպատակ՝ սա Եվրամիության վերջնական, լիարժեք անդամակցությունն է», – ասել է Իլիա Դարչիաշվիլին։