Լիխտեյնշտեյնի ԱԳ նախարարի այցը մենք դիտարկում ենք որպես աջակցության արտահայտություն մեր երկրի համար այսքան կարևոր ժամանակաշրջանում, ինչպես նաև տարածաշրջանում անվտանգության մարտահրավերների ֆոնին,- ասել է Վրաստանի արտաքին գործերի նախարար Իլիա Դարչիաշվիլին Լիխտենշտեյնի արտաքին գործերի նախարար Դոմինիկ Հասլերի հետ հանդիպումից հետո կայացած համատեղ մամուլի ասուլիսում։

Իլիա Դարչիաշվիլին շնորհակալություն է հայտնել Լիխտեյնշտեյնի Իշխանության արտաքին գործերի, կրթության և սպորտի նախարարին Վրաստան գալու համար։

«Դեռ անցյալ տարվա սեպտեմբերին ՄԱԿ-ի Գլխավոր ասամբլեայի շրջանակներում մենք հնարավորություն ունեցանք շփվելու երկկողմ համագործակցության ամրապնդման մասին։ Նախարարի այցը Վրաստան շարունակությունն է այն ամենի, ինչ սկսել ենք Նյու Յորքում։ Մենք որոշեցինք խորացնել և ամրապնդել մեր երկկողմ հարաբերությունները։ Սա Լիխտենշտեյնի Իշխանության արտաքին գործերի նախարարի առաջին պաշտոնական այցն է Վրաստան, որը պատմական նշանակություն ունեցող իրադարձություն է մեր երկկողմ հարաբերությունների համար։ Բացի այդ, այցը մենք դիտարկում ենք որպես աջակցության արտահայտություն մեր երկրի համար նման կարևոր ժամանակաշրջանում, ինչպես նաև տարածաշրջանում անվտանգության մարտահրավերների ֆոնին։ Վստահ եմ, որ ձեր այցը, տիկին նախարար, հզոր խթան կհաղորդի մեր համագործակցության հետագա զարգացմանը, և մենք կհայտարարենք մեր պատրաստակամության մասին՝ ակտիվորեն աշխատելու ձեզ հետ այս ուղղությամբ»,- ասել է Իլիա Դարչիաշվիլին։

Նրա խոսքով, կողմերը համակարծիք են, որ երկու երկրներն ունեն տնտեսական կապերը խորացնելու ներուժ։

«Եվրոպական ազատ առեւտրի ասոցիացիայի հետ ազատ առեւտրի համաձայնագիրը, որի անդամ է Լիխտենշտեյնը, դրա համար ամուր հիմք է ստեղծում։ Ողջունելի է, որ համաձայնագրի կիրարկումից հետո մենք ունենք առևտրի աճող դինամիկա Վրաստանի և FTA-ի երկրների միջև, որը, վստահ ենք, կշարունակվի նաև ապագայում։ Բացի այդ, մեր երկրի տնտեսական նկարագիրը, Վրաստանի տարածաշրջանային տրանսպորտային հանգույցի գործառույթն ու դերը, վստահելի գործընկեր երկրի դերը շատ հետաքրքիր և գրավիչ են եվրոպացի գործընկերների համար։ Հետագայում մենք կշարունակենք ակտիվ համագործակցությունը մեր եվրոպացի գործընկերների հետ այս ուղղությամբ՝ տնտեսական, տրանսպորտային և լոգիստիկ համագործակցությունը զարգացնելու նպատակով։ Դա շատ կարևոր է մեր համագործակցության համար, կրթության ոլորտը կարևոր է մեր երկրների համար, և մենք այս ուղղությամբ խոսել ենք մեր երկկողմ հանդիպման ժամանակ»,- ասել է Իլիա Դարչիաշվիլին։

Նրա խոսքով՝ Լիխտենշտեյնը ակտիվորեն աջակցում է Վրաստանի տարածքային ամբողջականությանը։

«Ուզում եմ իմ մեծ շնորհակալությունը հայտնել նախարարին, քանի որ մենք ունենք Լիխտենշտեյնի շատ ամուր աջակցությունը, երբ հարցը վերաբերում է մեր երկրի տարածքային ամբողջականությանը և ինքնիշխանությանը։ Նախարարը նախօրեին պետք է այցելեր օկուպացիոն գիծ։ Սա հատկապես կարևոր է մեզ համար, և ես կցանկանայի շնորհակալություն հայտնել նրան մեր երկրի տարածքային ամբողջականությանն ու ինքնիշխանությանը ցուցաբերած ամուր աջակցության համար։ Մենք խոսեցինք տարածաշրջանում տիրող շատ բարդ և դժվար իրավիճակի մասին, թե ինչպես փոքր երկրները կարող են ամրապնդել համագործակցությունը, ամրապնդել երկկողմ հարաբերությունները, որպեսզի համաշխարհային անվտանգության մարտահրավերների լույսի ներքո մենք կարողանանք կոնկրետ քայլեր ձեռնարկել, որոնք խաղաղություն և անվտանգություն կբերեն մեր երկրներին»,- ասել է Իլիա Դարչիաշվիլին։

Նրա խոսքով, այսօրվա հանդիպմանը խոսվել է Ուկրաինայում տիրող իրավիճակի և Ուկրաինային ցուցաբերվող օգնության մասին։

«Մենք խոսեցինք նաև Ուկրաինայում տեղի ունեցող իրադարձությունների, ինքնիշխան Ուկրաինայի դեմ Ռուսաստանի ռազմական ագրեսիայի մասին։ Ես հնարավորություն ունեցա նախարարի հետ կիսվել, թե ինչպես է Վրաստանն օգնում Ուկրաինային հումանիտար և քաղաքական ուղղություններով։ Ես կիսեցի նրա հետ մեր աջակցությունը մեր ուկրաինացի եղբայրներին և քույրերին: Եվս մեկ անգամ շատ շնորհակալ եմ, տիկին նախարար, որ եկել եք։ Հատկապես գնահատում եմ, որ դուք կատարել եք գալու ձեր խոստումը և անհամբերությամբ սպասում եմ նաև Լիխտենշտեյն այցելելուն։ Եվս մեկ անգամ շնորհակալություն ձեզ և ձեր պատվիրակությանը Վրաստանում գտնվելու և աջակցության համար»,- ասել է Իլիա Դարչիաշվիլին։