Իլհամ Ալիևը շնորհավորել է Վլադիմիր Պուտինին ընտրություններում տարած հաղթանակի կապակցությամբ
Ադրբեջանի նախագահ Իլհամ Ալիևը զանգահարել է Վլադիմիր Պուտինին և շնորհավորել նրան ընտրություններում տարած հաղթանակի կապակցությամբ։
Ինչպես գրում են ադրբեջանական լրատվամիջոցները, Ալիևը Պուտինին հաջողություն է մաղթել նախագահական գործունեության մեջ՝ հանուն երկրի զարգացման և բարգավաճման։
Իր հերթին Վլադիմիր Պուտինը շնորհակալություն է հայտնել Ադրբեջանի նախագահին ուշադրության և շնորհավորանքների համար։
Հեռախոսազրույցի ընթացքում նախագահները հույս են հայտնել, որ երկու երկրների միջև հարաբերությունները և ռազմավարական գործընկերությունը կշարունակեն ամրապնդվել։
Ռուսաստանի ԿԸՀ-ի տվյալներով՝ Վլադիմիր Պուտինն ընտրական արձանագրությունների հարյուր տոկոսի հաշվարկից հետո հավաքել է ձայների 87,28 տոկոսը։