Իլհամ Ալիևը հեռավար կմասնակցի «Եվրոպական քաղաքական միության» գագաթնաժողովին
Ադրբեջանի նախագահ Իլհամ Ալիևը այսօր հեռավար կմասնակցի Եվրոպական քաղաքական միության (ԵՔՄ) ութերորդ գագաթնաժողովին, որը կկայանա Երևանում։
Ըստ ադրբեջանական լրատվամիջոցների՝ ԵՔՄ ութերորդ գագաթնաժողովն անցկացվում է «Կառուցելով ապագան. միասնություն և կայունություն Եվրոպայում» կարգախոսի ներքո։
Իլհամ Ալիևը գագաթնաժողովի մասնակիցներին կդիմի տեսակապի միջոցով։
Գագաթնաժողովը միավորում է եվրոպացի առաջնորդներին և միջազգային կազմակերպությունների ղեկավարներին։ Երևանում քննարկումները կկենտրոնանան ժողովրդավարական կայունության ամրապնդման, կապի զարգացման, ինչպես նաև տնտեսական և էներգետիկ անվտանգության ամրապնդման վրա՝ փոփոխվող անվտանգության ճարտարապետության և տարածաշրջանային մարտահրավերների ֆոնին։