Իլհամ Ալիևը հայտարարել է, որ Ադրբեջանն ու Հայաստանը մոտ են խաղաղության պայմանագրի տեքստի վերջնական համաձայնությանը
Ադրբեջանն ու Հայաստանը մոտ են խաղաղության պայմանագրի տեքստի վերջնական համաձայնությանը, հայտարարել է Ադրբեջանի նախագահ Իլհամ Ալիևը Գերմանիայի կանցլեր Օլաֆ Շոլցի հետ հեռախոսազրույցի ժամանակ։
Ալիևի խոսքով, Հայաստանը սահմանադրական հիմքով դեռ տարածքային պահանջներ ունի Ադրբեջանի նկատմամբ, և փաստաթղթի տեքստի վերաբերյալ Հայաստանի առաջարկների զգալի ձգձգումը բացասաբար է ազդել գործընթացի վրա։
Ադրբեջանի նախագահը նաեւ նշել է, որ կողմերի միջեւ բանակցությունները կվերսկսվեն ՄԱԿ-ի Կլիմայի համաժողովի ավարտից հետո։
Իր հերթին Գերմանիայի կանցլերն ասել է, որ Բեռլինը աջակցում է Ադրբեջանի և Հայաստանի միջև խաղաղության և բարիդրացիական հարաբերությունների հաստատմանը և կողմերին կոչ է արել համարձակ քայլեր ձեռնարկել այդ ուղղությամբ։