Եթե ​​սպասենք Հայաստանի հետ սահմանազատմանը և հետաձգենք խաղաղության պայմանագիրը, ապա խաղաղության պայմանագիրը կարող է չստորագրվել նույնիսկ 30 տարի հետո, քանի որ մեր բարեկամ և հարևան Վրաստանի հետ սահմանազատումը դեռ ավարտված չէ, սահմանի միայն 70 տոկոսն է հաստատված,- ասել է Ադրբեջանի նախագահ Իլհամ Ալիևը տեղական լրատվամիջոցներին տված հարցազրույցում։

Ադրբեջանի նախագահի խոսքով, Ռուսաստանի հետ սահմանազատման գործընթացը տևել է 20 տարի, այն ստորագրվել է միայն 2012 թվականին, մինչ օրս անցել է 13 տարի, ոչ բոլոր նշիչները տեղադրված են, և սահմանազատումը դեռ ավարտված չէ։

Ալիևի խոսքով՝ Հայաստանի հետ պետք է խաղաղության պայմանագիր կնքվի, որքան շուտ, այնքան լավ:

«Դելիմիտացիայի գործընթացը պետք է շարունակվի։ Գյուղերը պետք է վերադարձվեն մեզ: Անկլավների հարցերով հանձնաժողովի աշխատանքի արդյունքում կարելի է համաձայնություն ձեռք բերել։ Այնպես որ, ես կարծում եմ, որ սա լիովին տրամաբանական մոտեցում է»,- ասել է Իլհամ Ալիեւը։