Ադրբեջանի նախագահ Իլհամ Ալիևը հայտարարել է, որ վստահ է Ղարաբաղի հայերի վերաինտեգրման գործընթացի հաջողության մեջ։ Այս մասին Իլհամ Ալիեւը հայտարարել է Նախիջեւանի Ինքնավար Հանրապետությունում Ադրբեջանի եւ Թուրքիայի ղեկավարների բանակցություններից հետո։

«Մի քանի օր առաջ Եվլախ քաղաքում տեղի ունեցավ ղարաբաղահայության և Ադրբեջանի պետական ​​կառույցների ներկայացուցիչների հանդիպումը։ Այսօր ընթանում է երկրորդ հանդիպումը։ Ես դեռ տեղեկատվություն չեմ ստացել արդյունքների մասին, բայց վստահ եմ, որ Ղարաբաղի հայ բնակչության ինտեգրումն ադրբեջանական հասարակությանը հաջողությամբ կշարունակվի», – ասել է Ալիևը։

Իր հերթին Ռեջեփ Թայիփ Էրդողանը նշել է, որ Ղարաբաղում տեղի ունեցող զարգացումների արդյունքում տարածաշրջանում ի հայտ է եկել լիարժեք կարգավորման հնարավորություն։

«Մենք ակնկալում ենք, որ Հայաստանը կպատասխանի խաղաղության մեկնած ձեռքին և կձեռնարկի անկեղծ քայլեր»,- ասել է Էրդողանը։

Բանակցությունների ընթացքում Թուրքիայի նախագահը ուշադրություն է հրավիրել նաև Իղդիրի-Նախիջևան գազատարի նախագծի վրա։