«Այսօր մենք պետք է ակտիվ աշխատենք Հայաստանի հետ խաղաղության համաձայնագրի վրա։ Հուսով եմ՝ մենք կհասնենք դրան և կստեղծենք քաղաքական միջավայր և իրավիճակ Հարավային Կովկասում, որտեղ փոխադարձ համագործակցություն տեղի կունենա Վրաստանի, Հայաստանի և Ադրբեջանի մասնակցությամբ»,- ճեպազրույցում ասել է ԱՀ նախագահ Իլհամ Ալիևը։

Նրա խոսքով, եթե Հայաստանը իր համաձայնությունը հայտնի, ապա Վրաստանում անմիջապես կսկսվեն երկկողմ ու եռակողմ հանդիպումներ։

«Այսօր մենք զրույց ունեցանք Հայաստանի և Ադրբեջանի միջև իրավիճակի կարգավորման շուրջ։ Երկրորդ պատերազմը, որը տեղի ունեցավ Լեռնային Ղարաբաղում հանգեցրեց մեր տարածքային ամբողջականության վերականգնմանը, վերականգնեց ողջ երկրի ինքնիշխանությունը այսօր մենք պետք է ակտիվորեն աշխատենք Հայաստանի հետ խաղաղության համաձայնագրի վրա։ Հուսով եմ՝ մենք կհասնենք դրան և կստեղծենք քաղաքական միջավայր և իրավիճակ Հարավային Կովկասում, որտեղ փոխադարձ համագործակցություն տեղի կունենա Վրաստանի, Հայաստանի և Ադրբեջանի ներգրավմամբ։ Դա կլինի հաջող համագործակցություն էներգետիկայի, առևտրի, ներդրումների և շատ այլ ոլորտներում։ Մենք այս հնարավորությունը բաց թողեցինք, ընկերներ, քանի որ Ադրբեջանը տարիներ շարունակ օկուպացված էր, և, իհարկե, այս իրավիճակը թույլ չտվեց մեզ քայլեր ձեռնարկել կարգավորման ուղղությամբ, բայց ժամանակն է եկել, մեզ մի պահ տրվեց այս հնարավորությունը չկորցնելու համար։ Ինչպես գիտեք, այսօր մի քանի երկրներ և միջազգային կազմակերպություններ միջնորդի դերում են, կարգավորման գործընթացում Վրաստանն ու Ադրբեջանը ընկալունակ դիրքորոշում ունեն, սա անաչառ դիրքորոշում է մեր երկրների տարածքային ամբողջականության նկատմամբ։ Մենք ընդունում ենք ցանկացած օգնություն, բայց իմ պատկերացումն այն է, որ ամենաճիշտ ընտրությունը:Ես շնորհակալ եմ պարոն վարչապետին օգնելու պատրաստակամության համար։ Եթե ​​Հայաստանը տա իր համաձայնությունը, մենք անմիջապես կսկսենք երկկողմ և եռակողմ հանդիպումներ այստեղ՝ Վրաստանում՝ համապատասխան գերատեսչությունների միջոցով»,- ասել է Իլհամ Ալիևը։