Ադրբեջանի Հանրապետության նախագահ Իլհամ Ալիևի խոսքով՝ ինքը ուրախ է, որ Վրաստանի և Ադրբեջանի միջև ապրանքաշրջանառությունն ավելանում է։

Նրա խոսքով, Ադրբեջանը Վրաստանում երեք միլիարդ դոլարի ներդրում է կատարել։

«Երկկողմ համաձայնագրի և ձևաչափի հետ կապված՝ մենք ուրախ ենք, որ ապրանքաշրջանառությունն ավելանում է և վերջին ինն ամիսների ընթացքում հատել ենք մեկ միլիարդ դոլարի շրջանառությունը։ Ադրբեջանը զգալի գումարներ է ներդրել Վրաստանում, և ներդրումները զարգացնում են համագործակցությունը։ Ադրբեջանը երեք միլիարդ դոլարի ներդրում է կատարել Վրաստանում, և մենք կարծում ենք, որ դրանք փոխշահավետ ներդրումներ կլինեն»,- ասել է Իլհամ Ալիևը։

Միեւնույն ժամանակ Ալիեւը ուշադրություն է հրավիրել էներգետիկ քաղաքականության վրա։

«Մենք խոսել ենք ապագա էներգետիկ քաղաքականության մասին, ինչպես պատվիրել է վարչապետը, մտքեր ենք փոխանակել մեր իրականացրած նախագծերի շուրջ։ Գործառնական առումով այս նախագծերը շատ հաջողված են, և մենք անհամբեր սպասում ենք նոր նախագծերի մեկնարկին, որոնք կմեծացնեն բնական գազի արտահանումը միջազգային շուկաներ: Մենք պատրաստվում ենք արտահանել 22 մլն խմ և առաջիկա տարիներին ավելի շատ ավելացնել։ Այս տարի մենք ստորագրեցինք փոխըմբռնման հուշագիր Ադրբեջանի և Եվրոպայի միջև, և առաջիկա հինգ տարիների ընթացքում Ադրբեջանը նախատեսում է կրկնապատկել բնական գազի արտահանումը Եվրոպա։

Մենք հնարավորություն ունենք և նախատեսում ենք մինչև 2027 թվականը Եվրոպա արտահանել գրեթե 20 միլիարդ խորանարդ մետր բնական գազ։ Բնականաբար, մենք դա քննարկել ենք Վրաստանի վարչապետի հետ։ Քննարկելու նոր հարցեր կլինեն։ Բաքու-Թբիլիսի-Ջեյհան խողովակաշարը կավելացնի արտահանումը, այս խողովակաշարով արտահանումը կաճի և էլ ավելի բեռնված կլինի։ Մենք ցանկանում ենք օգտվել Բաքու-Սուփսա տերմինալից, ես գիտեմ, որ այն այժմ չի գործում, բայց մենք ցանկանում ենք հեռարձակել նաև այս ալիքը»,- ասել է Իլհամ Ալիևը։