«Իդալիա» փոթորիկը հարվածել է Ֆլորիդայի արևմտյան ափին։ Նահանգի ափին մոտենալով՝ փոթորիկը երրորդ կարգի ուժգնություն է ունեցել: Ներկայումս «Իդալիայի» հզորությունը թուլացել է մինչև երկրորդ կարգ։ Քամու պոռթկումները հասնում են ժամում 110 մղոն:
Ֆլորիդայի մեքսիկական ափին ավելի քան 230 հազար մարդ հոսանքազրկված է։ Ֆլորիդայի որոշ շրջաններում իրականացվել է ափամերձ բնակավայրերի բնակչության պարտադիր տարհանում։ Հայտարարվել է նաև տորնադոյի սպառնալիքի մասին։
ԱՄՆ նախագահ Ջո Բայդենն ասում է, որ մշտական կապի մեջ է Ֆլորիդայի նահանգապետ Ռոն ԴեՍանտիի հետ, և նախագահի վարչակազմը նրան տրամադրում է այն ամենը, ինչ իրեն անհրաժեշտ է։