Իաշվիլիի կլինիկան ժամանակավորապես դադարեցրել է ստացիոնար պացիենտների ընդունումը, կաշխատեն ամբուլատոր ախտորոշիչ կենտրոնը և ուռուցքաբանական բաժանմունքը
Վերականգնողական աշխատանքներով Իաշվիլիի անվան հիվանդանոցը ժամանակավորապես դադարեցնում է ստացիոնարների ընդունումը, սակայն առանձնապես ծանր դեպքերի կլինիկական կառավարումը կշարունակվի, կշարունակեն գործել ամբուլատոր-ախտորոշիչ կենտրոնը և ուռուցքաբանական բաժանմունքը»,- ասված է հաղորդագրությունում։
Ինչպես նշել են Իաշվիլիի հիվանդանոցում Մ. Իաշվիլիի անվան կենտրոնական մանկական հիվանդանոցի հիմնանորոգման աշխատանքները մտնում են ավարտական փուլ։
«Մ. Իաշվիլիի անվան կենտրոնական մանկական հիվանդանոցը 3-րդ մակարդակի միակ ուղղորդման կենտրոնն է երկրում, որն առաջարկում է լիարժեք մանկական ծառայություններ 0-ից 18 տարեկան պացիենտներին: Երեխաներին ուղղված ծառայությունների բարելավման նպատակով հիվանդանոցի կողմից հայտարարված ենթակառուցվածքների և կլինիկական զարգացման ծրագիրը շարունակվում է։
Ծրագրի շրջանակներում մի շարք բուժհաստատություններ հիմնովին վերանորոգվել և վերազինվել են միջազգային չափանիշներին համապատասխան։ Նշված վերականգնողական աշխատանքների մասին հիվանդանոցի ղեկավարությունը մշտապես իրազեկել է հանրությանը։
Հայտարարված նախագծի շրջանակներում նախատեսված հիվանդանոցային բուժբաժինների վերականգնումը անցնում է ավարտական փուլ, պացիենտների համար առավել հարմարավետ մթնոլորտ ստեղծելու նպատակով կլինիկան 2022 թվականի հոկտեմբերի 20-ից ժամանակավորապես կդադարեցնի ստացիոնար հիվանդների ընդունումը։ Հիվանդանոցը, համաձայնեցնելով Առողջապահության նախարարության հետ, իրականացնում է կլինիկական կառավարում միայն առանձնապես բարդ բժշկական դեպքերի համար։ Նաև նախարարության հետ միասին կքննարկվեն ստացիոնար կարիքներ ունեցող պացիենտները և նրանց համապատասխան ուղղորդումը պրոֆիլային հիվանդանոցներ։
Մ. Իաշվիլիի անվան կենտրոնական մանկական հիվանդանոցում շարունակեն գործել ամբուլատոր-ախտորոշիչ կենտրոնը և ուռուցքաբանական բաժանմունքը։
Մանկական հիվանդների համար կգործի հատուկ ստեղծված շուրջօրյա թեժ գիծ՝ 2 600 600։
Գործընթացը կիրականացվի Առողջապահության նախարարության առաջարկությունները հաշվի առնելով՝ համակարգված՝ հիվանդների շահերի առավելագույն պաշտպանությամբ։
Ենթակառուցվածքային և կլինիկական զարգացման ծրագրի շրջանակներում հայտարարված վերականգնողական աշխատանքները աստիճանաբար կավարտվեն մինչև 2022 թվականի վերջ, իսկ բժշկական կենտրոնն ամբողջությամբ կնորոգվի մանկաբուժական տարածքի բոլոր հատվածներում։
Նշված ենթակառուցվածքային և կլինիկական զարգացման ծրագրի շրջանակներում Մ. Իաշվիլիի անվան կենտրոնական մանկական հիվանդանոցում կներդրվի մինչեւ 10 մլն լարի։
Մասնագիտական կատարելագործման նպատակով կադրերի վերապատրաստումը շարունակվում է։ Այս պահին մոտ 350 բժշկական և ոչ բժշկական անձնակազմ է վերապատրաստվել տեղում, իսկ մոտ 20 բուժանձնակազմ արդեն վերապատրաստվել է արտերկրում։ Բուժման բարձր մակարդակ ապահովելու համար ստեղծվել է որակի կառավարման բաժին, որը համալրված է օտարերկրյա և վրացի բժիշկներով։ Բարդ բժշկական դեպքերը կկառավարվեն աշխարհի առաջատար մանկաբուժական կլինիկաների բժիշկների ներգրավմամբ։
Մ. Իաշվիլիի անվան կենտրոնական մանկական հիվանդանոցի համար, որն ամեն տարի սպասարկում է մինչև 30000 մանկական հիվանդի, հատկապես կարևոր է երեխաներին միջազգային չափանիշներին համապատասխան ծառայություններ մատուցելը»,- ասվում է Իաշվիլիի մանկական հիվանդանոցի հայտարարության մեջ։
