«Գիրչի» կուսակցության առաջնորդներից Իագո Խվիչիան հայտարարել է, որ «Վրացական երազանքին» չի հաջողվում ամերիկացիների հետ հարաբերությունների կարգավորումը, ինչի արդյունքում նրանց կողմնորոշումը միտված է ԱՄՆ-ի քննադատությանը, և, նրա խոսքով, շուտով կանցնեն արդեն վիրավորանքների։

Խվիչիայի խոսքով՝ նախքան բացահայտ հայհոյանքների անցնելը, «Վրացական երազանքը» ցանկանում է իր ընտրողներին ասել, որ ամերիկացիների հետ խոսել են որպես ազատ և ինքնիշխան պետություն, բայց վերջիններս դա չեն հարգել։

«Նրանց ցանկությունն է ասել՝ մենք փորձեցինք ամեն ինչ, ամերիկացիներին մոտեցանք որպես ազատ և ինքնիշխան պետություն, բայց նրանք չհարգեցին մեր դիրքորոշումը, այդ պատճառով էլ անցնում ենք վիրավորանքների։ Կարծում եմ՝ այս ուղերձը նման տիպի նախաբան է։ Այս փաստաթուղթը ընդհանրապես նախատեսված չէ ամերիկացիների կարդալու համար։ Այն ուղղված է վրացի ընտրողներին, և ոչ թե ամերիկացիներին, ովքեր այն ուշադիր կարդալու են։ Նրանց համար լավ կլիներ, եթե կարողանային ամերիկացիների հետ հարաբերությունները կարգավորել, և Թրամփը սիրեր «Վրացական երազանքին» այնպիսին, ինչպիսին այն կա։ Բայց քանի որ դա նրանց չի հաջողվում, նրանք գնում են քննադատության ուղով, իսկ շուտով կանցնեն վիրավորանքների», – հայտարարել է Իագո Խվիչիան։