Հուսով եմ ընդդիմությունը կշարունակի աշխատել կառուցողական ռեժիմում, մեր կողմից հաստատեցինք պատրաստակամությունը երկխոսությունը շարունակելու վերաբերյալ. Իրակլի Ղարիբաշվիլի
Վրաստանի վարչապետ Իրակլի Ղարիբաշվիլիի հայտարարությամբ,ընդդիմության հետ հանդիպումն անց է կացվել կառուցողական մթնոլորտում:
Նրա խոսքով, կողմերը պայմանավորվեցին, որ երկխոսությունը կշարունակվի: Իրակլի Ղարիբաշվիլիի հայտարարությամբ, նա խորհրդակցություններ կունենա կուսակցության քաղաքական խորհրդի հետ և կձևակերպվեն հետագա քայլերը: Ղարիբաշվիլին ասում է, որ երկրիրն այս պահին ունի իրական, կառուցողական հարցերի վերաբերյալ ազգային համաձայնության կարիք:
«Մենք այսօր երկխոսություն վարեցինք, քննարկեցինք մի շարք հարցեր, այն տարբերությունները, որոնք ունեն իշխող կուսակցությունը, իշխանությունները և ընդդիմությունը: Բնականաբար, մենք ունենք սկզբունքային դիրքորոշում որոշ հարցերի վերաբերյալ, որոնց մասին ունենք մեր հիմնավորված կարծիքը, լսել ենք նաև յուրաքանչյուր ներկայացուցչի կողմից տրված հարցերը և պատասխաններ ենք տվել: Մենք պայմանավորվեցինք, որ երկխոսությունը կշարունակվի: Ես խորհրդակցություններ կունենամ կուսակցության քաղաքական խորհրդի հետ և կձևակերպենք հետևյալ քայլերը: Ես կցանկանայի ձեզ ասել, որ Եվրոպական Խորհրդի նախագահի կոչը, առաջարկությունը, խորհուրդը այն էր, որ հնարավորինս սեղմ ժամկետում մենք բոլորս ՝ ընդդիմությունը, կառավարությունը, գտնենք ընդհանուր լեզու, որը լավագույնս կսպասարկի մեր երկրի ու ժողովուրդի շահերին: Ես մեկ անգամ ևս հայտարարել եմ, որ մենք պետք է գտնենք հնարավորություն, ազգային, ընդհանուր գաղափար, որը կմիավորի մեզ, կմիավորի մեր ժողովրդին, ազգին, հենց դա է մեր երկրին այսօր առավել անհրաժեշտ, ընդհանուր ազգային կոնսենսուս, ընդհանուր ազգային համաձայնություն»,- հայտարարել է Ղարիբաշվիլին:
Իրակլի ղարիբաշվիլին ասել է նաև, որ հույս ունի, որ ընդդիմությունը աշխատանքը կշարունակի կառուցողական ռեժիմում: Նրա խոսքով, իշխանություններն իր հերթին պատրաստ են շարունակել երկխոսությունը:
«Ամենից կարևորը, որը տանջում է մեր բնակչությանը դա բռնազավթումն է, աղքատությունը, տնտեսական խնդիրները, կովիդ համավարակը: Հենց այս հարցերի շուրջ պետք է համախմբվենք: Հուսով եմ, որ ընդդիմությունը աշխատանքը կշարունակի կառուցողական ռեժիմում: Իշխանություններն իր հերթին պատրաստ են շարունակել երկխոսությունը»,- նշել է Ղարիբաշվիլին: