Վրաստանի էկոնոմիկայի և կայուն զարգացման նախարարության «Վրաստանի օդանավակայանների միության» տեղեկությամբ, 2020 թվականի հունվար-փետրվարին Վրաստանի օդանավակայաններն սպասարկել են 597 506 ուղևորի, որը 4 տոկոսով պակաս է նախորդ տարվա նույն ժամանակահատվածի ցուցանիշից:

Նվազում կա նաև նույն ժամանակահատվածի չվերթների հետ կապված: 2020 թվականին Վրաստանի բոլոր օդանավակայաններում կատարվել է 2 923 չվերթ, որը 11 տոկոսով պակաս է նախորդ տարվա նույն ժամանակահատվածի ցուցանիշից:

«Վրաստանի օդանավակայանների միության» տեղեկությամբ, ընթացիկ տարվա փետրվարին ուղևորահոսքի աճ է գրանցվել Թբիլիսիից բացի, երկրի բոլոր միջազգային և տեղի օդանավակայաններում:

Թբիլիսիի միջազգային օդանավակայանը 2020 թվականի փետրվարին սպասարկել է 187 975 ուղևորի, որը 21 տոկոսով պակաս է նախորդ տարվա նույն ժամանակահատվածի ցուցանիշից:

Գերատեսչությունը մեկնաբանում է, որ նվազեցման պատճառը նոր կորոնավիրուսի տարածումը կանխելու նպատակով Չինաստանի և Իրանի հետ ավիաչվերթների դադարեցնումն է, ինչպես նաև՝ նախորդ տարվա ամռանը Ռուսաստանի կողմից սահմանված ավիասահմանափակումը:

Ի տարբերություն Թբիլիսիի, աճի միտումը պահպանվում Բաթումիի և Քութաիսիի միջազգային օդանավակայաններում: