Ազգային վիճակագրական ծառայության նախնական տվյալների համաձայն՝ 2022 թվականի հունվար-մարտին Վրաստանում ապրանքներով արտաքին առևտրաշրջանառությունը (առանց չհայտարարագրված առևտրի) կազմել է 3 865,0 մլն. դոլար, ինչը 37,9 տոկոսով գերազանցում է նախորդ տարվա համապատասխան ժամանակահատվածի ցուցանիշը։

Ըստ Վիճակագրության ծառայության, այստեղից արտահանումը կազմում է 1 171,8 մլն. դոլար, աճը կազմում է 43,3 տոկոս, իսկ ներմուծումը կազմել է 2 693,2 մլն. դոլար, ինչը 35,7 տոկոսով ավելի է։ Վրաստանի բացասական առևտրային հաշվեկշիռը 2022 թվականի հունվար-մարտին կազմել է 1 521,4 մլն. դոլար, որը կազմում է արտաքին առևտրաշրջանառության 39,4 տոկոսը։

Միևնույն ժամանակ, ըստ Վիճակագրության ծառայության, այս տարվա հունվար-մարտին տասը խոշորագույն առևտրային գործընկերների մասնաբաժինը Վրաստանի ընդհանուր արտաքին առևտրաշրջանառության մեջ կազմել է 68,4 տոկոս։ Երկրի խոշորագույն առևտրային գործընկերներն են Թուրքիան՝ 562,4 մլն. ԱՄՆ դոլարով, Չինաստանը՝ 461,9 մլն. դոլարով և Ռուսաստանը՝ 383,3 մլն. ԱՄՆ դոլարով։